Ukiuni 20-ni aggersuni innuttaasut ilimanarpoq ikiliartornissaat maanna 56.282-niit 2020-mi 55.900-nut, 2030-milu 54.800-nut. 2040-mi Kalaallit Nunaanni ullumikkumiit 3.000-nik ikinnerusut najugaqassapput, kinguaassiornerit toqusarnerit, nunasinerit nuuttarnerillu tungaasigut ilimaginngisamik allanngortoqariataanngippat. Innuttaasut agguaqatigiissillugu ukiui ullumikkut 34,9-iusoq 38-mut qaffassaaq. Taamalilluni Kalaallit Nunaanni innuttaasut Danmarkimi innuttaasunut assersuutitut naleqqiullugit ukiukinnerussapput, tassa Danmarkimi innuttaasut agguaqatigiissillugu maanna ukiui 40-iummata.
Takussutissiaq 1. Ukiuni nalunaakkani 1984-miit 2040-mut innuttaasut utoqqaassusinut immikkoortitat amerlassusaat
Malugiuk. Kisitsisaataasivimmik kisitsisit takukkit (http://bank.stat.gl/benpprog )
Ukiut inuit amerlassusissaasa naatsorsorneqarfianni utoqqaat (75+) pingasoriaammik amerlisimanissaat naatsorsuutigineqarpoq. Innuttaasut sulisinnaasutut ukioqassutsimikkut inissisimasut ikileriassarnissaat naatsorsuutigineqarpoq taamaakkaluartorli suli innuttaasut affaasa missigissagaat naatsorsuutigineqarpoq.
Innuttaasut qanoq amerlatiginissaannik naatsorsuinikkut angusat pingaarnerit, Kalaallit Nunaanni Naatsorsueqqissaartarfiup 2040-ip tungaanut nunatsinni innuttaasut pillugit naatsorsugai, taama isikkoqarput, 1. januar 2014-mi innuttaasunut naatsorsuutit naammassisat tunngavigalugit.
Suiaassusermut, ukiumik ataatsimik utoqqaassusilinnut inunngorfiinullu naatsorsuutit sukumiisumik inerneri Kisitsisaataasivitsinni http://bank.stat.gl/benpprog qimerloorneqarsinnaapput.